मन्त्रिपरिषद्को आकस्मिक बैठक बस्दै

प्रधानमन्त्री केपी शर्मा ओलीले मन्त्रिपरिषद्को आकस्मिक बैठक बोलाउनुभएको छ । आज दिउँसो शिवपुरीमा एयर डाइनास्टीको हेलिकोप्टर दुर्घटनापछि आकस्मिक बैठक बोलाइएको हो ।

सिंहदरबारमा उपत्यका मेयर्स फोरमको टोलीसँग छलफलमा व्यस्त रहँदा हेलिकोप्टर दुर्घटनाको खबर पाएलगत्तै उहाँले छलफल स्थगित गर्नुभएको बताइन्छ । 

काठमाडौंको शिवपुरी डाँडाको उत्तरतर्फ रहेको नुवाकोटको शिवपुरी गाउँपालिका ७, सूर्यचौरमा हेलिकोप्टर दुर्घटना हुँदा पाइलटसहित पाँच जनाको ज्यान गएको छ । मृतकहरुको शव काठमाडौँ ल्याउन प्रभुको ९ एन–एएनएल हेलिकोप्टर परिचालन गरिएको छ ।