पोखरा जाँदै गरेको माइक्रोबस नुवाकोटमा दुर्घटनाग्रस्त

पृथ्वी राजमार्गको नौबिसे–नागढुंगाको पहिरो छल्न नुवाकोट हुँदै पोखरा गइरहेको माइक्रोबस दुर्घटनामा परेको छ ।

काठमाडौंको टोखाबाट नुवाकोटको छहरेतर्फ गइरहेको ग.१ ख ४५३५ नम्बरको माइक्रोबस अदुवाबारी मोडमा दुर्घटनाग्रस्त भएको छ । 

दुर्घटनामा दुई जना यात्रु गम्भीर घाइते भएको बताइन्छ । चालक–सहचालकसहित अन्य यात्रु सुरक्षित रहेको जानकारी दिइएको छ ।