ट्रक त्रिशुलीमा, जोगीमारा नजिकैको किनारमा चामल

पृथ्वीराजमार्गको जोगिमारा नजिकैबाट एउटा ट्रक त्रिशुली नदीमा खसेको छ । नवलपरासीबाट चामल बोकेर काठमाडौं आउँदै गरेको लु.२ ख २५० नम्बरको ट्रक दुर्घटनामा परेको जनाइएको छ । 

प्रहरीका अनुसार दुर्घटनामा चालक आषिश महतो, सह चालक राजु थापा मगर र ट्रकका मालिक तनहुँ खैरेनीका सुरेश गुरुङ घाइते भएका छन् । घाइतेहरुको स्थानीय अस्पतालमा उपचार भइरहेको छ । 

तीमध्ये एक जनाको अवस्था गम्भीर छ । दुर्घटनाग्रस्त ट्रक नदीको बीच भागमा पुगेको छ ।