श्रीमती मारेर भागेका गजेन्द्र कतारमा भेटिए

श्रीमतीको हत्या गरी फरार भएका गजेन्द्र वान्तवा राई कतारमा पक्राउ परेका छन् । कर्तव्य ज्यान मुद्दामा इन्टरपोलबाट रेडकर्नर नोटिस जारी भएका उनलाई दोहामा समातेर आज नेपाल ल्याइएको हो । 

राइमाथि झापाको मेचीनगर नगरपालिका–११ धाईजन बस्ने ४८ वर्षीया शर्मिला तामाङको हत्या गरेको आरोप छ । घटनापश्चात् फरार भएका उनलाई खोज्न प्रहरी प्रधान कार्यालय, अपराध अनुसन्धान विभाग इन्टरपोल शाखाको अनुरोधमा गत असोज १ गते रेड नोटिस जारी भएको थियो । 

पक्राउ परेका राईलाई आवश्यक कारबाहीका निम्ति इलाका प्रहरी कार्यालय धुलावारी, झापा पठाइएको प्रहरीले जनाएको छ ।