कौडा खेलिरहेका जुवाडेसँगै डेढ लाख नगद र गलैँचा बरामद
दाङमा कौडाको खालबाट १० जना जुवाडे पक्राउ परेका छन् । उनीहरुको साथबाट एक लाख ३३ हजार नगद बरामद भएको बताइएको छ ।
तुलसीपुर उपमहानगरपालिका–१७ वनकट्टाका देवबहादुर वलीको घरमा कौडा खेलिरहेको अवस्थामा प्रहरीले उनीहरुलाई नियन्त्रणमा लिएको हो । जिल्ला प्रहरी कार्यालय दाङ र इलाका प्रहरी कार्यालय नारायणपुरको संयुक्त टोलीले छापा मार्ने क्रममा घरबेटी देवबहादुरसँगै स्थानीय भीम वली, लुमा सिंह बस्नेत, नरबहादुर चौधरी, केशरबहादुर वली र शरद वली पक्राउ परेका हुन् ।
त्यसैगरी, सुशिल वली, रेखबहादुर वली, मदन वली, बालाराम भट्टराई पनि प्रहरी नियन्त्रणमा छन् । प्रहरीले भुईंमा बिच्छयाइएको गलैंचा र कौडा १६ थान पनि बरामद गरेको छ ।
ट्रेन्डिङ पोस्ट
टिप्पणीहरू