तिहार सकिएपछि पनि जुवा खेल्नेहरु पुलिसको कब्जामा

तिहारको पर्सिपल्टसम्म जुवामा मस्त आधा दर्जन जुवाडे पोखरामा समातिएका छन् । 

पोखरा महानगरपालिका–१७ बिरौटा स्थित भरतबहादुर ठकुरीको खाजा घरबाट प्रहरीले उनीहरुलाई नियन्त्रणमा लिएको हो । गएराति जुवा खेलिरहेका उनीहरुलाई खालबाटै पक्राउ गरेको प्रहरीले जनाएको छ । 

वडा प्रहरी कार्यालय बैदामबाट खटिएको टोलीले जुवाडेको साथबाट ७९ हजार ९२० रुपैयाँ नगद र एक बुक ताससमेत बरामद गरेको छ । यसबारे थप अनुसन्धान तथा कारबाही प्रक्रिया अघि बढाएको प्रहरीले जनाएको छ ।