लोहोरोले हान्दा नमरेपछि आमाको टाउकोमा आग्लो बजारिएको कुपुत्रको बयान

सुन र पैसाको लोभमा छोराले काभ्रेपलाञ्चोकमा आमाको विभत्स तवरले हत्या गरेका छन् । पहिले मसला पिस्ने लोरो र त्यसपछि ढोकाको आग्लो प्रहार गरिएको बयान अभियुक्तले दिएका छन् । 

रोशी गाउँपालिका वडा नम्बर ३, भन्ज्याङ्गगाउँ स्थित ६६ वर्षकी माइली लामाको कान्छो छोरा फुर्साङ्ग लामाले हत्या गरेका हुन् । गत शुक्रबार सुन र पैसाको लोभमा छोराले हत्या गरेको प्रहरीको भनाइ छ । 

प्रारम्भिक बयानमा छोेरा फुर्साङ लामाले दुई पटक लोहोरोले हान्दासमेत आमा नमरेपछि ढोकाको आग्लो टाउकोमा बजारेको बताए । पैसा जम्मा पार्ने क्रममा आमाको कानमा लगाएको गहना र नगद लुट्ने योजना बनाएर उक्त घटना गराएको उनले साबिती बयान दिएका छन् ।