भारतीय सेनाध्यक्षलाई शशी भवनमा रात्रिभोज

नेपाल भ्रमणमा आज दिउँसो काठमाडौं आइपुग्न लागेका भारतीय स्थल सेनाध्यक्ष उपेन्द्र द्विवेदीको पहिलो दिनको कार्यक्रम तय भएको छ । दिउँसो २ बजे एअर इण्डियाको उडानबाट  त्रिभुवन अन्तर्राष्ट्रिय विमानस्थलमा ओर्लिएपछि भारतीय सेनाको पाहुना टोली होटल सोल्टी जाने छ ।

सेनाध्यक्षको नेपाल भ्रमण साँझ पशुपतिको आरतीबाट शुरु हुने बताइएको छ । उहाँ साँझ पशुपतिनाथको मन्दिरबाट फर्केपछि प्रधान सेनापति सिग्देलले आयोजना गर्ने रात्रिभोजमा सरिक हुने कार्यक्रम छ । रात्रिभोज प्रधान सेनापतिको सरकारी निवास झम्सिखेलस्थित शशी भवनमा राखिएको छ ।

आगामी आइतबार स्वदेश फर्कने सेनाध्यक्ष मुक्तिनाथ दर्शनमा जाने बुझिएको छ ।