चितवन र उदयपुरमा सवारी दुर्घटना, तीनको मृत्यु

उदयपुरको चौडण्डीगढी नगरपालिका–९ मा भएको सवारी साधन दुर्घटनामा एक जनाको मृत्यु भएको छ । सडक छेउको घरमा बसिरहेको अवस्थामा स्थानीय ४५ वर्षीया कमलादेवी चौधरीको कारको ठक्करबाट निधन भएको बताइएको छ ।

मदनभण्डारी राजमार्गको गाईघाट–चतरा सडकखण्डको भिमामा पश्चिमबाट पूर्वतर्फ जाँदै गरेको प्रदेश१–०४००१च१३८६ नम्बरको कारले उनलाई ठक्कर दिएको हो । दुर्घटनामा कार चालक र अर्का एकजना घाइते भएका छन् ।

यता चितवनको नारायणघाट–मुग्लिन सडकखण्डमा ट्रक पल्टिँदा दुई जनाको मृत्यु र दुई जना घाइते भएका छन् । नारायणगढबाट मुग्लिङतर्फ जाँदै गरेको बागमती प्रदेश ०३–००१ ख ३४९० नम्बरको ट्रक नौकिलोमा पल्टिएको हो ।

दुर्घटनामा मकवानपुरगढी गाउँपालिका –६ का ३८ वर्षीय श्याम बजगाईं र ३१ वर्षीय दीपक दाहालको उपचारको क्रममा निधन भएको प्रहरीले जनाएको छ ।

फरार रहेका ट्रक चालक दिनेश पुडासैनीलाई पक्राउ गरेपछि प्रहरीले अनुसन्धान थालेको छ ।