जीप दुर्घटनामा वडाध्यक्षको निधन

रामेछापको गोकुलगङ्गा गाउँपालिका-४ का वडाध्यक्ष रामचन्द्र बस्नेतको सवारी दुर्घटनामा निधन भएको छ । 

आज दिउँसो गोकुलगङ्गा-६ सिमलडाँडामा उनी सवार जीप दुर्घटना हुँदा वडाध्यक्ष बस्नेतसहित पाँच जनाको ज्यान गएको हो । एक बालकसहित पाँच जनाको घटनास्थलमै मृत्यु भएको प्रहरीले जानकारी दिएको छ । 

काठमाडौँबाट जाँदै गरेको ना१ज ७१२३ नम्बरको जीप सडकबाट करिब पाँच सय मिटर तल खसेको थियो । दुर्घटनाग्रस्त जिपमा ८ जना रहेकोमा तीन जनाको उद्धार गरेर अस्पताल पठाइएको प्रहरी जनाएको छ । 

घटनास्थलमा प्रहरीको टोली उद्धारमा खटेको छ । विस्तृत विवरण आउन बाँकी छ ।