तराईमा शीतलहर र हुस्सुसँगै चिसो स्याँठ

तराईका अधिकांश जिल्लामा अस्तिदेखि घाम नलागेपछि जनजीवन प्रभावित भएको छ । लगातारको हुस्सु र कुहिरोसँगै शीतलहर पनि चलेको छ । कतिपय जिल्लामा चिसो स्याँठ चलेकाले बालबालिका, वृद्धवृद्धा र कमजोर स्वास्थ्य भएकाहरु प्रभावित छन् ।

मध्य तराईका बारा, पर्सा, रौतहटमा उक्त अवस्था धेरै छ । वीरगञ्जमा नारायणी अस्पताल, नयाँ बसपार्क, घण्टाघरमा महानगरले दाउरा बालेको छ ।

पर्साका प्रमुख जिल्ला अधिकारी गणेश अर्यालले आर्थिक अवस्था कमजोर भएका परिवारलाई सिरक तथा न्यानो कपडा वितरण गरेको जानकारी दिए ।