ठगको कुममा इन्स्पेक्टरको फुली
आफूलाई नेपाल प्रहरीको निरीक्षक (इन्स्पेक्टर) बताउँदै ठग्दै आएका एक युवक पक्राउ परेका छन् । काठमाडौंको कागेश्वरी मनोहरा नगरपालिका–७, थापाचोक बस्ने ३८ वर्षीय सुदीप थापा आज समातिएका हुन् ।
उनले इन्स्पेक्टरको नक्कली परिचयपत्र बनाउनुका साथै फुलीसहितको प्रहरी युनिफर्म नै लगाएर हिँड्ने गरेको खुलेको हो । प्रहरीका अनुसार थापाले आफ्नो उच्च पदस्थ व्यक्तिसँग चिनजान रहेको र वैदेशिक रोजगारीका लागि आकर्षक तलबमा क्यानडा, अष्ट्रेलियालगायत देश पठाइदिने नाममा ठगी गरेको पाइएको छ ।
उनीसहित इन्स्पेक्टरको परिचयपत्र किर्ते बनाउने कार्यमा संलग्न कोटेश्वरस्थित मार्शल प्रिन्टिङ प्रेसका सञ्चालक किशोरकुमार चौधरीलाई पनि नियन्त्रणमा लिएको प्रहरीले जनाएको छ । पक्राउ परेका दुवै जनामाथि जिल्ला प्रहरी परिसर काठमाडौंबाट थप अनुसन्धान भइरहेको छ ।
टिप्पणीहरू