कुलमानको रिट १ नम्बर इजलासमा

कुलमान घिसिङ्गलाई नेपाल विद्युत् प्राधिकरणको कार्यकारी निर्देशकबाट हटाएर हितेन्द्रदेव शाक्यलाई नियुक्ति गरिएको सम्बन्धी विवादमा सर्वोच्च अदालतमा दायर रिट सुनुवाइका लागि पेशी तोकिएको छ । 

प्रधानन्यायाधीश प्रकाशमान सिंह राउत र न्यायाधीश सारङ्गा सुवेदीको १ नम्बर इजलासमा पेशी चढेको मुद्दा सूचिको घ नम्बरमा परेको छ । यो मुद्दामा पहिलो सुनुवाई गर्दै शुक्रवार न्यायाधीश अब्दुल अजिज मुसलमानको इजलासले अन्तरिम आदेश जारी गर्न अस्वीकार गरेको थियो । 

प्रारम्भिक सुनुवाइपछि सर्वोच्च अदालतले विपक्षी सरकारलाई लिखित जवाफ पेश गर्न निर्देशन पनि दिएको थियो । अन्तरिम आदेशबारे आज निर्णय हुने सम्भावना छ ।