हनुमानढोका कब्जा गर्न गृहलाई पत्र लेखे बालेनले
काठमाडौँ महानगरपालिकाका मेयर बालेन्द्र (बालेन) साहले हनुमानढोकास्थित नेपाल प्रहरीको भवन भत्काउन गृह मन्त्रालयसँग सहयोग मागेका छन्।
आज मन्त्रालयलाई पत्रचार गर्दै उनले आवश्यक सहयोग र समन्वय गरिदिन आग्रह गरेको बुझिएको छ । यसअघि दीपक थापा आइजी भएका बेला बालेन्द्रले आफ्नै कार्यकक्षमा बोलाएर यसबारे छलफल गरेका थिए । तर, नेपाल प्रहरीको इतिहास र भावना जोडिएको उक्त भवन महानगरलाई दिन प्रहारी नेतृत्व तयार भएन ।
अहिले आफ्नै पूर्वसल्लाहकार गृहमन्त्री भएका बेला उनले सिधै एक तह माथि गृहलाई पत्र लेखेका हुन् । तर, गृहमन्त्रीको निर्देशन आए पनि नेपाल प्रहरी कुनै हालतमा भवन भत्काउन दिने पक्षमा छैन ।
अहिले आफ्नै पूर्वसल्लाहकार गृहमन्त्री भएका बेला उनले सिधै एक तह माथि गृहलाई पत्र लेखेका हुन् । तर, गृहमन्त्रीको निर्देशन आए पनि नेपाल प्रहरी कुनै हालतमा भवन भत्काउन दिने पक्षमा छैन ।
नेपाल प्रहरीको स्वामित्वमा रहेको यो भवन उसको इतिहास,भावना र संस्कृतिसँग जोडिएको ठाउँ हो । यस्तो ऐतिहासिक भवन भत्काएर महानगरअन्तर्गत ल्याउने र त्यहाँ पोखरी बनाउने बालेन्द्रको योजना छ ।
यसलाई नेपाल प्रहरीको इतिहास मेट्ने उद्धेश्यअनुरुप गरिएको प्रयत्न भन्दै प्रहरीको हेडक्वार्टर सम्वद्ध स्रोतले भन्यो, 'प्रहरी संगठनभन्दा महानगर ठूलो हैन । मेयरको काम सहजीकरण गर्ने हो, कसैको इतिहास र भावनामाथि खेलबाड गर्न पाउँदैनन् ।'
ट्रेन्डिङ पोस्ट
टिप्पणीहरू