मनास्लुको फेदमा हिमपहिरो : एककाे मृत्यु, १५ घाइते

गोरखाको मनास्लु हिमालको बेस क्याम्पमा हिमपहिरो गएको छ । पहिरोमा एक जनाकाे ज्यान गएकाे छ भने अन्य १५ जना घाइते भएका छन्र । ८ हजार १ सय ६३ मिटर अग्लोे मनास्लु हिमालको ३ र ४ नम्बर बेसक्याम्पको बीचमा हिमपहिरो गएको हो ।

चुमनुव्री गाउँपालिका–१ का वडाध्यक्ष छेवाङ लामाका अनुसार मनास्लु हिमालको तेस्रो र चौथो क्याम्पको बीचमा आज मध्यान्ह १२ बजे अक्सिजनलगायत सामग्रीहरु बोकेर आधार शिविर पुगेकाहरु हिमपहिरोमा परेका हुन् ।

उनका अनुसार त्यस क्षेत्रमा बिहानैदेखि मौसम खराब भएका कारण उद्धारमा समस्या भइरहेको छ ।

उद्दारका लागि तीन वटा हेलिकप्टर सो क्षेत्रमा पठाएको छ । गोरखाका प्रमुख जिल्ला अधिकारीका अनुसार एउटा हेलिकप्टर मनास्लु बेसक्याम्पसम्म पुगेको छ । अरु हेलिकप्टर मौसम खराबका कारण त्यहाँ पुग्न नसकेको हो ।