चिनियाँ र भारतीय राजदूतको एकै समयमा सिंहदरबार प्रवेश

नेपालका लागि जनगणतन्त्र चीनका राजदूत छन सोङले परराष्ट्रमन्त्री डा. आरजू राणा देउवासँग भेटवार्ता गर्नुभएको छ । राजदूत सोङ मन्त्री राणासँग भेटका लागि दिउँसो पौने १ बजे सिंहदरबारस्थित परराष्ट्र मन्त्रालय पुग्नुभएको थियो । उहाँहरुबीच करिब आधा घण्टा छलफल भएको बताइएको छ । 

यता सचिव अमृतबहादुर राईसँग भेटका लागि भारतीय राजदूत पनि सोही समयमा उहाँको कार्यकक्ष पुग्नुभएको थियो । कायम मुकायमको जिम्मेवारीमा रहनुभएका राई सचिव भएपछि राजदूतले आज दिउँसो मन्त्रालय पुगेर भेट गर्नुभएको हो ।