काठमाण्डौको नागढुङ्गामुन्तिर एकीकृत समाजवादीका मेयर निर्वाचित

धादिङको धुनीबेसी नगरपालिकामा नेकपा (एकीकृत समाजवादी) का मेयर उम्मेदवार बालकृष्ण आचार्य विजयी हुनुभएको छ । उहाँले ८ हजार ७ सय ६ मत प्राप्त गरेर निकटतम प्रतिद्वन्द्वी नेकपा एमालेका रामराजा पाण्डेलाई पराजित गर्नुभएको हो ।

पाण्डेले ६ हजार ५ सय ९२ मत प्राप्त गर्नुभएको थियो । उपमेयरमा कांग्रेसका सुरज उप्रेती विजयी हुनुभएको छ । उहाँले ८ हजार ३ सय ८७ मत प्राप्त गर्नुभयो भने एमालेकी मन्दिरा श्रेष्ठले ६ हजार ४ सय ७० मत पाउनु भयो ।

२०७४ को निर्वाचनमा एमालेले जितेको यो नगरपालिकामा एमाले यसपटक ९ वटा वडामै पराजित भएको छ। कांग्रेस,माओवादी,समजवादी गठबन्धनका कारण एमाले चार जना वडा सदस्यमा मात्र सीमित बनेको छ।