कोरियाली सांसदहरुको टोली काठमाडौंमा

दक्षिण कोरियाली सांसदहरुको एउटा टोलि काठमाडौँ आइपुगेको छ । त्यहाँको राष्ट्रिय सभाको संस्कृति, खेलकुद तथा पर्यटन समितिका अध्यक्ष छुन जेसुको नेतृत्वमा सात सदस्यीय टोली आज दिउँसो काठमाडौँ ओर्लिएको हो । 

थाई एयरवेजको उडान नम्बर टिजी-३१९ मा बैंकक हुँदै काठमाडौँ आउने टोलीमा सोही समितिका सदस्यहरु बिएई हयन जिन, लि कि हेओन, जिन जोङ्गोह, चिफ अफ स्टाफ किम वोनमो, योजना तथा समन्वय समितिका निर्देशक लि डोङ्गसुक छन् । उनीहरुलाई काठमाडौँस्थित दक्षिण कोरियाका राजदूत पार्क टेइयंगले त्रिभुवन अन्तराष्ट्रिय विमानस्थलमा स्वागत गरेका थिए । 

कोरियाली सांसदहरु सरकारी भ्रमणका लागि आएको भनिए पनि यसबारे थप जानकारी गराइएको छैन । उनीहरु आज होटल सोल्टीमा बस्ने र भोलि साँझ सवा ७ बजे स्वदेश फर्किने कार्यक्रम  रहेको बताइएको छ ।