भुटानी राजाले भोलि नेपाल टेक्ने

भुटानी नरेश जिग्मे खेसार नाम्ग्याल वाङ्चुक करिब ५० मीनेटका लागि काठमाडौं आउन लागेका छन् । उनी भोलि बिहान १० बजे भुटानको पारो विमानस्थलबाट काठमाडौंको त्रिभुवन अन्तर्राष्ट्रिय विमानस्थलमा आइपुग्ने बुझिएको छ । 

एक महिनाअगाडि चिनियाँ राजदूतले थिम्पु भ्रमण गरेको र सिमानासम्बन्धी चीन, भुटान, भारतवीच समस्या रहेकोमा सोही बिषयक सल्लाहका निम्ति दिल्ली जाने क्रममा भुटानी राजा काठमाडौंमा झण्डै एक घण्टा ट्रान्जिटमा बस्नुपर्ने भएकाले सुरक्षा व्यवस्थापनको तयारी गरिएको छ । त्यसका लागि नेपाली सेनाको विशेष सुरक्षा बल टोलीले काठमाडौं विमानस्थलमा सुरक्षा रिहर्सल गरेको छ ।

रिहर्सलमा विशेष सुरक्षा बलका महासेनानी अच्युतम भण्डारीको नेतृत्वमा सेनानी आदित्यप्रताप सिंहसहित ट्राफिक प्रहरी,विमानस्थलमा रहेका सबै सुरक्षा निकायका प्रमुखहरु सहभागी छन्  ।