ढिलै भए पनि बिआरआईमा हस्ताक्षर सम्पन्न

चीन र नेपालवीच लामो समयदेखि रोकिएर रहेकोे बेल्ट एण्ड रोड सहायता परियोजनाको कार्यान्वयन सम्झौतामा भर्खरै दुई देशका परराष्ट्र सचिवहरुले हस्ताक्षर गरेका छ्न् ।

यसअघि प्रधानमन्त्री केपी शर्मा ओलीले बेल्ट एण्ड रोड इनिसिएटभ (बिआरआई)बाट नेपालले लाभ लिने बताउनुभएको थियो । बेइजिङस्थित पेकिङ विश्वविद्यालयमा आयोजित कार्यक्रमलाई सम्बोधन गर्दै उहाँले नेपालको विकासमा चीनको दरिलो साथ प्राप्त भएको उल्लेख गरेलगत्तै सम्झौताका कतिपय अस्पष्ट बुँदामा सहमति जुटेर सम्झौतामा हस्ताक्षर हुन सकेको हो । 

राष्ट्रपति सि चिनफिङको दूरदर्शी नेतृत्वमा सुरु भएको बिआरआई परियोजनाबाट दुई मुलुकको आपसी सम्बन्ध अझै गाढा हुने विश्वास प्रधानमन्त्री ओलीले लिनुभएको छ । उहाँले आगामी वर्ष सन् २०२५ मा दुई देशबीच कूटनीतिक सम्बन्ध स्थापना भएको ७० वर्ष पुग्ने अवसरमा उच्चस्तरीय भ्रमण आदानप्रदान हुने भएकाले त्यसबाट पारस्परिक सम्बन्धमा नयाँ आयाम थपिने बतानुभयो ।

प्रधानमन्त्री ओलीले पेकिङजस्तो पुरानो विश्वविद्यालयले नेपालको शैक्षिक विकासमा पनि योगदान दिनसक्ने उल्लेख गर्नुभएको छ । प्रधानमन्त्रीलाई विश्वविद्यालयका अध्यक्ष प्रा. गोङ छिहुङले स्वागत गर्नुभएको थियो ।