टिकापुर हिँडेका युवक नाईट्राभेटसहित बाटैमा समातिए
कैलालीमा लागुऔषध नाईट्राभेटसहित एक युवक समातिएका छन् । लुम्कीचुहा नगरपालिका-८ बचेलाका शिशिर साउँदलाई नाईट्राभेटसहित पक्राउ गरिएको जिल्ला प्रहरी कार्यालय कैलालीले जनाएको छ ।
घरबाट टिकापुर जान हिँडेका साउँदलाई प्रहरीले चेकपोष्ट नजिकैबाट हिजो राति नियन्त्रणमा लिएको हो । बाटोमा हिँडिरहेका बेला शंका लगेर चेकजाँच गर्दा उनको साथबाट १८ ट्याब्लेट नाईट्रोभेट बरामद भएको प्रहरीले जनाएको छ ।
पक्राउ परेका साउँदलाई थप अनुसन्धानका लागि इलाका प्रहरी कार्यालय टिकापुर पठाइएको जिल्ला प्रहरी कार्यालयले बताएको छ ।
ट्रेन्डिङ पोस्ट
टिप्पणीहरू