गाँजा बोकेर भारत हिँडेका गुरुङ मोरङमै समातिए, अरुको भागाभाग

मोरङमा ३६ किलो गाँजासहित एक जना युवक समातिएका छन् । पक्राउ पर्नेमा जहदा गाउँपालिका–२ का २५ वर्षीय मुकेश गुरुङ हुन् ।

उनलाई मोरङको सीमावर्ती क्षेत्रबाट गाँजासहित गएराति पक्राउ गरिएको जिल्ला प्रहरी कार्यलय मोरङका प्रहरी नायव उपरीक्षक दीपक श्रेष्ठले जानकारी दिए ।

उनका अनुसार गाँजालाई प्लास्टिकमा प्याक गरी टाउकोमा बोकेर भारततिर लैजाँदै गरेको अवस्थामा समातिएको हो । अन्य दुई जना प्रहरी देखेपछि गाँजा छाडेर भागेका थिए ।

गुरुङलाई नियन्त्रणमा लिएर अनुसन्धानका निम्ति इलाका प्रहरी कार्यालय रानीमा राखिएको र अन्य दुई जनाको खोजी कार्य भइरहेको प्रहरीले जनाएको छ ।