भर्खरको उमेरमा गाँजा बोकेर हिँडेका जीवन समातिए

पछिल्लो समय लागुऔषध ओसारपसार कार्यमा किशोरकिशोरीको संलग्नता अत्यधिक पाइएको छ । आज बिहान प्रहरीले १९ वर्षीय किशोरलाई गाँजाको पोकोसहित पक्राउ गरेको छ । धादिङको गजुरी गाउँपालिका ६ बस्ने जीवन मगर पक्राउ परेका हुन् ।

धादिङबाट काठमाडौं आउँदै गरेको बा. ३ ख ९०६५ नम्बरको यात्रुवाहक बस चेक गर्ने क्रममा उनको साथबाट गाँजा फेला परेको हो ।

थानकोटको नागढुङ्गा चेक प्वाइन्टमा खटिएको टोलीले उनले बोकेको झोलाबाट तीन किलो गाँजा बरामद गरेको छ ।

थप अनुसन्धानका लागि प्रहरीले गाँजासहित उनलाई महानगरीय प्रहरी वृत्त, थानकोट पठाइएको छ