प्रधानमन्त्रीलाई पछ्याउँदै सागर ढकाल,७ प्रतिशत मत बदर

प्रधानमन्त्री तथा नेपाली काँग्रेसका उम्मेदवार शेरबहादुर देउवाको गृह जिल्ला डडेल्धुरामा सिरिञ्ज चिन्ह लिएर उठेका सागर ढकालले उहाँलाई पछ्याएका छन् । प्रधानमन्त्री देउवाको १७३६ मत आउँदा ढकालले ९४३ मत पाएका छन् ।

नेपाली काँग्रेस बिपीका कर्ण मल्लले ६२३ र राप्रपाले ४२ मत ल्याएको निर्वाचन अधिकृतको कार्यालयले जनाएको छ । ३६ सय ७३ मत गणना हुँदा डडेल्धुरामा २५३ मत बदर भएको छ ।

बदर मतको प्रतिशत ६ दशमलव ८८ रहेको निर्वाचन अधिकृतको कार्यालयले जनाएको छ ।