बनेपामा सूर्यभन्दा रुखमा दोब्बर मत
काभ्रेपलाञ्चोक जिल्लाको निर्वाचन क्षेत्र नम्बर २ मा नेपाली काँग्रेस र एमालेबीच कडा प्रतिस्पर्धा देखिएको छ । सो क्षेत्रमा ०७४ देखिकै प्रतिस्पर्धी एमालेका गोकुल बाँस्कोटा र काँग्रेसका शिव हुमागाईंबीच चर्को टक्कर छ ।
हालसम्म गणना भएकामध्ये रुखमा १३ हजार ९१५ र सूर्यमा १३ हजार ४६१ मत प्राप्त भएको छ । त्यस्तै स्वतन्त्र पार्टीको घण्टी चिन्हमा ५ हजार १९४ मत खसेको छ । यसैबीच बनेपा नगरपालिकाको वडा नम्बर १४ मत गणना हुँदा एमालेले भन्दा काँग्रेसले दोब्बर ल्याएको छ । यो काङ्ग्रेसको पुरानो गढ हो । उक्त वडाबाट सूर्यले ४३५ मत ल्याएको छ भने रुखले ७९५ मत प्राप्त गरेको छ । त्यहाँ पनि घण्टी चिन्हमा १९१ मत खसेको छ ।
टिप्पणीहरू