कलमवाला प्रकाश ज्वाला १४ हजार मत अन्तरले बिजयी बन्नै लागे

सल्यानमा नेकपा एकीकृत समाजवादीका उम्मेदवार प्रकाश ज्वाला प्रमुख प्रतिस्पर्धीभन्दा झण्डै १४ हजार मतले अगाडि देखिएका छन् । ज्वालाका प्रमुख प्रतिस्पर्धी स्वतन्त्र उम्मेदवार राजेन्द्रबहादुर शाहले १६ हजार ९५० मत ल्याएका छन् ।

ज्वालाले ३० हजार ७५० मत ल्याएको निर्वाचन अधिकृतको कार्यालयले जनाएको छ । ज्वाला र शाहबीच १३ हजार ८५० मतको अन्तर छ । अब गन्न बाँकी मत १३ हजार ८७५ रहेको छ ।