एकीकृत समाजवादीका उम्मेदवारहरू धमाधम विजयी घोषणा हुँदै
सत्ता गठबन्धनको भागबण्डामा १९ सीट (रुपन्देही-२ मा राजु गुरुङ्गको मनोनयन बदर) लिएर चुनावी सङ्ग्राममा होमिएका नेकपा एकीकृत समाजवादीका नेताहरु विजयी भएका समाचार प्राप्त भइरहेका छन् । सल्यानबाट प्रकाश ज्वाला,बाराबाट किसन श्रेष्ठ र डोटीबाट प्रेम आले विजयी भइसकेका छन् ।
यसअघि दिउँसो अछामबाट शेरबहादुर कुँवरलाई विजय प्राप्त भएको थियो । धादिङ्गबाट राजेन्द्र पाण्डे र बझाङ्गबाट भानुभक्त जैसीको पनि जीतको घोषणा हुन मात्र बाँकी रहेको बताइन्छ । त्यसैगरी दाङ्गबाट मेटमणि चौधरीले निकै फराकिलो अग्रता लिएकाले जीत निश्चित देखिएको छ ।
उता डोल्पाबाट धनबहादुर बुढाले पनि अग्रता लिएका छन् । उक्त पार्टीका अध्यक्ष तथा रौतहट १ का उम्मेदवार माधवकुमार नेपालले मुख्य प्रतिस्पर्धीलाई फराकिलो अन्तरले पछाडि पारेको खबर प्राप्त भएको छ ।
टिप्पणीहरू