घनश्याम भुसाल सवार गाडी दुर्घटना, घाइते नेता अस्पताल भर्ना

नेकपा एकीकृत समाजवादी पार्टीका नेता तथा पूर्व कृषिमन्त्री घनश्याम भुसालको गाडी दुर्घटना भएको छ ।

नयाँ बानेश्वरमा उहाँ चढेको गाडी अनियन्त्रित भई सडकको बीचमा राखिएको डिभाइडरमा ठोक्किएको हो । भुसालको बा. १६ च १३८४ नम्बरको कार दुर्घटनामा परेको हो ।

गाडीमा नेता भुसाल र अर्का एक व्यक्ति सवार रहेको बताइएको छ । नेता भुसाललाई उपचारार्थ सिभिल अस्पताल लगिएको छ । गाडीमा क्षति पुगेको जनाउँदै घटनाको थप अनुसन्धान भइरहेको प्रहरीले जानकारी दिएको छ ।