ललितपुरमा स्कुटर दुर्घटना, दुईको मृत्यु
ललितपुरको दक्षिणी भेगमा भएको स्कुटर दुर्घटनामा दुई जनाको निधन भएको छ । आज साँझ भएको दुर्घटनामा स्कुटरमा सवार दुबै जनाको ज्यान गएको बताइएको छ ।
जिल्लाको दक्षिणी भेग कोन्ज्योसोम गाउँपालिका १ मा रहेको पाथिभरा नजिकै स्कुटर दुर्घटनामा परेको हो । मनकामनाबाट पाथिभरातर्फ जाँदै गरेको बा.४५ प ४४९५ नम्बरको स्कुटी दुर्घटनामा स्थानीय ५५ वर्षे रामहरि खनालको घटनास्थलमा निधन भएको प्रहरीले जनाएको छ ।
सोही गाउँपालिका ४ बस्ने १९ वर्षे चालक विकास सापकोटाको उपचारार्थ पाटन अस्पताल ल्याउने क्रममा मृत्यु भएको हो ।
टिप्पणीहरू