साडीमा आगो सल्किँदा द्रोपती सिकिस्त
सप्तरीमा आगलागीबाट एक महिला घाइते भएकी छन् । राजविराजकी द्रोपती देवी यादव भान्छाको आगो साडीमा सल्किएपछि जलेर घाइते भएकी हुन् ।
राजविराज– १३, भेल्ही पिपराहीकी २५ वर्षीया द्रोपतीको घरमा खाना पकाउने क्रममा साडीमा आगो सल्किएको प्रहरीले बताएको छ । त्यसपछि उनलाई तत्काल गजेन्द्रनारायण सिंह अस्पताल लगिएकोमा अहिले उपचार भइरहेको छ ।
ढाड मुनिको भाग मात्र जलेकाले उनको अवस्था सुधारोन्मुख रहेको प्रहरीले जानकारी दिएको छ ।
टिप्पणीहरू