रामेछापका युवक सेतीमा डुबे
सेती नदीमा नुहाउने क्रममा एक युवक डुबेर बेपत्ता भएका छन् ।
रामेछापको उमाकुण्ड गाउँपालिका–५, कृतिगाउँका २४ वर्षीय मिलन तामाङ हिजो साँझ सेती नदीमा नुहाउने क्रममा डुबेर बेपत्ता भएका हुन् ।
उनी काठ चिरानको कामको सिलसिलामा डोटी गएको बताइन्छ । दिपायल सिलगढी नगरपालिका–३ कैलाडास्थित सेती नदीमा नुहाउने क्रममा डुबेर तामाङ बेपत्ता भएको जिल्ला प्रहरी कार्यालयले जनाएको छ ।
प्रहरी र स्थानीयले खोजी गरेपनि उनी हालसम्म फेला परेका छैनन् ।
टिप्पणीहरू