संखुवासभाको बाढी अपडेट : बेपत्ता संख्या २२

संखुवासभामा अस्ति आएको बाढीमा बेपत्ता भएकाको संख्या २२ पुगेको छ । स्थानीय हेवा खोलामा आएको बाढीले उनीहरुलाई बगाएको आशंका गरिएको छ ।

बाढीले सबैभन्दा धेरै निर्माणाधीन सुपर हेवाखोला जलविद्युत परियोजनामा काम गर्दै आएका १७ जना मजदुर बेपत्ता भएका छन् ।

प्रहरीका अनुसार परियोजनाका सुपरभाइजर सन्तोष ढकाललगायत मजदूर र कर्मचारीहरु बेपत्ता भएका हुन् । बाढीमा भुवनसिंह तामाङ, सुवास राई, फैजबहादुर कार्की, गणेश गिरी, राजकुमार मगर, मीना श्रेष्ठ, रामजतन थारु, राहुल थारु, रोहित थारु, पुलसन थारु, कालीराम थारु, राजराम थारु, सुगत थारु, अमर थारु, सीता थारु र दीपक मगर हराएका छन् । 

सभापोखरी गाउँपालिका–३ सुनाम्लामा गणेश राई र सञ्चमाया राई पनि बेपत्ता भएका छन् । प्रहरीले भीम चौधरी, ज्ञानबहादुर लिम्बू पनि बाढीमा बगेको बताइएको छ । बाढीबाट ११ घर र तीन वटा पुलमा पनि क्षति पुगेको छ ।