सामाजिक सुरक्षा कोषसँग आवद्ध अस्पतालहरुलाई सापटी माग्न पर्सिको समय, ऋण तीर्न मसान्त

सामाजिक सुरक्षा कोषका योगदानकर्ताहरुको उपचार गर्ने अस्पतालहरुले असार ३१ गतेसम्म रकम मागदाबी गर्न सक्ने भएका छन् । 

कोषसंग आबद्ध अस्पतालहरुले योगदानकर्ताहरुको उपचार गराएबापतको मागदाबी गर्न असार ३१ गते अन्तिम समय दिइएको हो । अस्पतालहरुले तोकिएको समयभित्र कोषको प्रणालीमा विवरण प्रविष्ट गरिसक्नुपर्ने जनाइएको छ । 

कोषले सूचना जारी गर्दै संस्थाबाट कर्जा–सापटी लिने योगदानकर्ताहरुलाई असार ३१ गते कार्यालय समयभित्र किस्ता तथा ब्याजबापतको रकम बुझाउन निर्देशन दिएको छ । 

‘कोषबाट कर्जा–सापटी लिने योगदानकर्ताहरुले असार ३१ गते कार्यालय समयभित्र किस्ता तथा ब्याजबापतको रकम सामाजिक सुरक्षा कोषको एपमार्फत बुझाउन’, सूचना उल्लेख छ । साथै, कुनै योगदानकर्तालाई सापटी चाहिएको भए असार २९ गतेभित्र माग गरिसक्न कोषले सुसूचित गराएको छ ।