दुई एआईजीसहित सात जनालाई दर्ज्यानी चिन्ह प्रदान

प्रहरी नायब महानिरीक्षक (डिआईजी) बाट अतिरिक्त महानिरीक्षक (एआईजी) मा बढुवा भएका दुर्गा सिंह र भरतबहादुर बोहरासहित सात जनालाई दर्ज्यानी चिन्ह प्रदान गरिएको छ । 

प्रहरी महानिरीक्षक (आईजीपी) वसन्तबहादुर कुँवरले आज प्रहरी प्रधान कार्यालयमा आयोजित एक समारोहमा उनीहरुलाई दर्ज्यानी चिन्ह लगाइदिएका हुन् । 

शुक्रबार बसेको क्याबिनेट बैठकले सिंह र बोहरा एआईजीमा पदोन्नति गर्ने निर्णय गरेको थिए । सोही दिन गृहमन्त्रीस्तरीय निर्णयबाट प्राविधिकतर्फ प्रहरी नायब उपरीक्षक (डिएसपी) बाट  उपरीक्षक (एसपी) पदमा पाँच जना बढुवा भएका थिए । 

डा. राम प्रसाद शर्मा, डा. नविन लागेजु, डा. समृद्धि कार्की, डा. अन्जली तण्डुकार र प्रदिन ताम्राकार पदोन्नति भएका हुन् । समारोहमा आईजीपी कुँवरले बढुवा भएका प्रहरी अधिकृतहरुलाई बधाई दिदैँ आगामी दिनमा अझ बढी सक्रिय हुन निर्देशन दिए । 

व्यावसायिकता, इमानदारीता र लगनशीलतालाई कायम राख्दै प्राप्त सफलतालाई व्यक्तिगत उपलब्धिसँग मात्र जोडेर नहेरी सांगठनिक विकास र सुदृढिकरणमा समेत महत्वपूर्ण योगदान दिन उनको निर्देशन छ ।