रोल्पा बस दुर्घटना : ४ जनाको मृत्यु डेढ दर्जन घाइते
रोल्पाको त्रिवेणी गाउँपालिका वडा नम्बर ७, तिलास्थित रिची गाउँ नजिकै भएको यात्रुवाहक बस दुर्घटनामा चार जनाको मृत्यु भएको छ ।
परिवर्तन गाउँपालिकाको बाग्माराबाट दाङको घोराही जाँदै गरेको ना. ५ ख २६१२ नम्बरको बस सडकदेखि करिब १५० मीटर तल खस्दा सो दर्घटना भएको हो । दुर्घटनामा डेढ दर्जन घाइते छन् ।
जिल्ला प्रहरी कार्यालय, रोल्पाका अनुसार ज्यान गुमाउनेमा परिवर्तन गाउँपालिका वडा नम्बर ३ का ४६ वर्षीय भक्तबहादुर विक, माडी गाउँपालिका वडा नम्बर २ का २१ वर्षीय प्रकाश बाँठा, सोही गाउँपालिकाको वडा नम्बर ४ का ५० वर्षीय गोर्खे डाँगी र उनकी श्रीमती हस्त डाँगी रहेका छन् ।
त्यस्तै, घाइतेलाई प्रहरीले उपचारका लागि विभिन्न अस्पताल पठाएको छ । दुर्घटनाबारे थप विवरण आउन बाँकी छ ।
टिप्पणीहरू