राजधानीको नरदेवीमा आगलागी

काठमाडौंको नरदेवीमा आगलागी भएको छ । नरदेवी–क्षेत्रपाटी सडकमा रहेको राजकुमार जोशीको चार तले घरमा बिहान साढे ७ बजेदेखि आगो लागेको बताइएको छ ।

जोशीको घरको चौथो र पाँचौं तलामा विद्युत सर्टपछि लागेको आगो एक घण्टापछि नियन्त्रणमा आएको छ । काठमाडौं महानगरपालिकाको एउटा दमकल र सेनाको ४१ जनाको टोलीले स्थानीयबासीको सहयोगमा आगो नियन्त्रणमा लिएका हुन् ।

प्रहरीका अनुसार मानवीय क्षति भएको छैन । भौतिक क्षतिको विवरण प्राप्त भइनसकेको जनाइएको छ ।