भर्ना सूचीउपर चित्त नबुझे निवेदन दिन महानगरको अनुरोध
![भर्ना सूचीउपर चित्त नबुझे निवेदन दिन महानगरको अनुरोध](https://janaaastha.prixacdn.net/media/albums/ktm-mahanagarpalika_xx7TNo2Txx.jpg)
काठमाडौं महानगरपालिकाले कक्षा ११ को छात्रवृत्ति पाउने विद्यार्थीको अन्तिम सूचीमा चित्त नबुझे निवेदन दिन सकिने जनाएको छ ।
महानगरपालिकाले आज सूचना प्रकाशित गर्दै छात्रवृत्ति परीक्षाको अन्तिम योग्यताक्रमको आधारमा पहिलो भर्ना सूचीउपर कुनै गुनासो भएमा निवेदन दिन माग गरेको हो । सूचनामा त्यस्तो कुनै गुनासो भएमा आज बेलुकी ५ बजेसम्म महानगरको शिक्षा विभागमा आवेदन दिन सकिने उल्लेख छ ।
साथै, पहिलो भर्ना सूचीमा परेका विद्यार्थीलाई सम्बन्धित शिक्षण संस्थामा भर्ना हुन सिफारिस गरिएकोमा केही परीक्षार्थीहरुले म्याचिङको नतिजाउपर चित्त नबुझी शिक्षा विभागमा दिएका निवेदनउपर पनि कारबाही भइरहेको महानगरपालिकाले जनाएको छ ।
महानगरपालिकाले उक्त निवेदनउपर कारबाही सम्पन्न भएपछि म्याचिङको पहिलो भर्ना सूचीको अन्तिम नतिजा प्रकाशन गरिने र सो पछिमात्र सम्बन्धित शिक्षण संस्थामा भर्नाका लागि जान अनुरोधसमेत गरेको छ ।
टिप्पणीहरू