छप्कैयाका राहुल मोटरसाइकल दुर्घटनामा बिते
पर्सामा मोटरसाइकल दुर्घटना हुँदा एक जनाको ज्यान गएको छ ।
वीरगञ्ज महानगरपालिका-१ छप्कैयाका १९ वर्षीय राहुलकुमार सिंहको दुर्घटनामा निधन भएको हो । आज बिहान पटेर्वा सुगौली गाउँपालिका-५ स्थित सडकमा ना.१८ प ४०२८ नम्बरको मोटरसाइकल अनियन्त्रित भई दुर्घटना हुँदा उनको घटनास्थलमै मृत्यु भएको प्रहरीले जनाएको छ ।
प्रहरीका अनुसार मोटरसाइकल सिंहले नै चलाएका थिए । यस सम्बन्धमा थप अनुसन्धान भइरहेको प्रहरीले जानकारी गराएको छ ।
टिप्पणीहरू