सुन काण्डमा संलग्न अर्का एक जना समातिए

साउन पहिलो साता त्रिभुवन अन्तर्राष्ट्रिय विमानस्थलबाट बरामद भएको तस्करीको सुनमा संलग्न भएको आरोपमा एक जना पक्राउ परेका छन् ।

पहिले एक क्विण्टल भनिए पनि पछि ६० किलो सात सय १६ ग्राम सुन कायम भएको उक्त प्रकरणमा संलग्नलाई प्रहरीको केन्द्रीय अनुसन्धान ब्युरोको टोलीले नियन्त्रणमा लिएको बताइएको छ ।

टोलीले गएराति बाराका शिवकुमार सर्राफलाई पक्रेको हो । उनी सुनचाँदी व्यवसायी समिति बाराका अध्यक्षसमेत हुन् ।  उक्त सुन प्रकरणमा पक्राउ परेकाको संख्या २७ पुगेको छ ।