सल्यानमा सडकबाट बस खस्यो, दुई जनाको मृत्यु

सल्यानमा भएको बस दुर्घटनामा दुई जनाको मृत्यु भएको छ । उक्त दुर्घटनामा १९ जना घाइते भएको बताइएको छ ।

तुलसीपुरबाट सल्यानको जयचौर जाँदै गरेको ना. ६ ख ५४६३ नम्बरको बस कपुरकोट गाउँपालिका–३, मुलपानीमा सडकबाट ५० मीटर तल खसेको छ । 

जिल्ला प्रहरी कार्यालय सल्यानका अनुसार बसमा २१ जना सवार थिए । तुलसीपुर उपमहानगरपालिका–६ की ३१ वर्षीया सुमित्रा सुनार, सल्यान त्रिवेणी गाउँपालिका–६ की ४० वर्षीय अनिता बोहराको ज्यान गएको छ ।