मोटरसाइकलको ठक्करबाट हिँडिरहेकी वृद्धाको मृत्यु

कैलालीमा मोटरसाइकलको ठक्करबाट एक पैदलयात्रीको ज्यान गएको छ । गौरीगंगा नगरपालिका २, झिलस्थित मोटरसाइकलको ठक्करबाट स्थानीय ७३ वर्षीया पावनी देवी साउदको निधन भएको हो । 

आज बिहान भे.७ प ५३८१ नम्बरको मोटरसाइकलको ठक्करबाट गम्भीर घाइते भएकी उनको उपचारको क्रममा धनगढीस्थित निसर्ग अस्पतालमा मृत्यु भएको बताइएको छ । 

प्रहरीले मोटरसाइकल चालकलाई नियन्त्रणमा लिनुका साथै दुर्घटनाका बारेमा आवश्यक अनुसन्धान गरिरहेको जनाएको छ ।