पाल्पामा ट्रिपर पल्ट्यो, एकको मृत्यु
पाल्पामा भएको ट्रिपर दुर्घटनामा एक जनाको ज्यान गएको छ । अन्य तीन जना घाइते भएको बताइएको छ ।
निस्दी गाउँपालिका ७, ज्यामिरेमा भएको दुर्घटनामा पूर्वखोला गाउँपालिका २, जल्पाकी १९ वर्षीया दिलकुमारी आलेको निधन भएको जिल्ला प्रहरी कार्यालयले जनाएको छ ।
ज्यामिरेबाट नवलपुरको सर्दीतर्फ जाँदै गरेको लु.२ख ५२९ नम्बरको ट्रिपर ब्रेक फेल भएको प्रहरीको भनाई छ । आलेलाई ट्रिपरबाट हामफालेर ज्यान जोगाउन खोज्दा टायरले किचेको थियो ।
स्थानीय २५ वर्षीया हिमाली आलेसँग चालक र सह–चालक घाइते भएका छन् । चालक मकवानपुरको मनहरि गाउँपालिका ९ का २६ वर्षीय अञ्जन सुनार हुन् ।
ट्रेन्डिङ पोस्ट
टिप्पणीहरू