डोटीमा जिप पल्टियो, दुई जना घाइते

डोटीमा जिप दुर्घटना हुँदा दुई जना घाइते भएका छन् । बोगटानबाट दिपायल आउँदै गरेको जिप केआइ सिंह गाउँपालिका-५ बुहारगाउँ स्थित आज दिउँसो साढे ३ बजेतिर दुर्घटना भएको हो । 

जिल्ला प्रहरी कार्यालय डोटीका सूचना अधिकारी, प्रहरी नायव उपरीक्षक निशान्त श्रीवास्तवका अनुसार सुपप्र ०३००१ ज ०००५ नम्बरको बोलेरो जिप दुर्घटना हुँदा ३० वर्षीय चालक टेक भाट र जिपमा सवार बोगटान फुड्सिल गाउँपालिका-२ का अन्दाजी १९ वर्षीय वीरेन्द्र बोहरा घाइते भएका छन् । जिपमा चालक र एक जना यात्रु मात्रै सवार थिए ।

घाइतेहरूको राजपुर स्थित सुजङ्ग अस्पतालमा उपचार भइरहेको र अवस्था मध्यम रहेको प्रहरीले बताएको छ । जिप सडकबाट अन्दाजी ६० मिटर तल खसेको थियो । जिपको ब्रेक फेल भएर दुर्घटना भएको हुनसक्ने प्रहरीको प्रारम्भिक अनुसन्धानबाट खुलेको छ ।