ससुराली गएका ज्वाईंको ट्रक मोड्दा निधन, मोटरसाइकलमा सवार दुबै युवक बिते

सिन्धुपाल्चोकमा भएको ट्रक दुर्घटनामा चालकको निधन भएको छ । चौतारा साँगाचोकगढी नगरपालिका ५, कामी टोलमा ट्रक सडकबाट तल खस्दा पनौतीका ३५ वर्षे राजु श्रेष्ठको घटनास्थलमा ज्यान गएको हो । 

प्रहरीका अनुसार बा.२ ख ८२१३ नम्बरको निशान ट्रक सडकबाट पाँच सय मीटर तल खसेको छ । ससुराली पुगेका चालक श्रेष्ठको ट्रक मोड्ने क्रममा निधन भएको हो ।

हिजै ललितपुरको गोदावरीमा भएको मोटरसाइकल दुर्घटनामा दुई जनाको ज्यान गएको छ । गोदावरी नगरपालिका १०, टाहाखेल चोकमा बा.६० प ५१९५ नम्बरको मोटरसाइकल सडक छेउको रूखमा ठोक्किँदा चालक र सवार दुबैको निधन भएको हो । 

प्रहरीका अनुसार सिन्धुलीको मरिण गाउँपालिकाका २४ वर्षीय राम माझी र २५ वर्षीय विजय माझीको उपचारको निम्ति पाटन अस्पताल लैजाने क्रममा ज्यान गएको हो ।