छठघाट सजाएपछि पोखरीमा नुहाउन गएका सन्तोष डुबे

सर्लाहीमा पोखरीमा डुबेर एक जनाको ज्यान गएको छ । ईश्वरपुर नगरपालिका–७, पोखरीटोलस्थित पोखरीमा डुबेर स्थानीय वडा नम्बर ६ का २२ वर्षीय सन्तोष साहको निधन भएको बताइएको छ ।

हिजो दिउँसो छठघाट सजाएर पोखरीमा नुहाउने क्रममा डुब्दा उनको अवस्था गम्भीर भएको छ । इलाका प्रहरी कार्यालय केशरगंजबाट खटिएको टोलीले तत्काल उद्धार गरी उपचारार्थ बयलबासस्थित क्लिनिकमा पठाइएकोमा उनको उपचारको क्रममा मृत्यु भएको हो ।

उक्त घटनाबारे आवश्यक अनुसन्धान भइरहेको प्रहरीले बताएको छ ।