पोखराको होटलमा महिला मृत फेला, घटना शंकाश्पद

कास्कीमा एक महिला मृत फेला परेकी छिन् । हिजो साँझ तनहुँको भिमाद घर भएकी ३८ वर्षीया सुकु विकको शव भेटिएको हो । 

दुई वर्षदेखि पोखरा महानगरपालिका–८, नागढुंगास्थित शिला रेष्टुरेण्टमा काम गर्दै आएकी उनी सोही स्थानको युनिक होटलमा बस्थिन् । हिजो बेलुका उनी अचेत अवस्थामा फेला परेपछि होटलका सञ्चालकले तत्काल प्रहरीलाई खबर गरेका थिए । 

जिल्ला प्रहरी कार्यालय, कास्कीबाट खटिएको टोलीले उनलाई उद्दार गरी चरक मेमोरियल अस्पताल पुर्याएको थियो । अस्पताल पुर्याएको केही बेरमै चिकित्सकले उनलाई मृत घोषित गरेको हो । 

पोस्टमार्टमका लागि उनको शव पश्चिम क्षेत्रीय अस्पताल, पोखरा पठाइएको प्रहरीले जनाएको छ । घटना शंकास्पद देखिएको भन्दै प्रहरीले थप अनुसन्धान भइरहेको जानकारी दिएको छ ।