भोलि फर्कने कतारी राज्यमन्त्रीको टोलीमा चार जना
कतारका विदेश राज्यमन्त्री २४ घण्टे नेपाल भ्रमणमा आएका छन् । राज्यमन्त्री सोल्तान बिन साद अल मुराइखी आज अपरान्ह साढे ४ बजे काठमाडौं आइपुगेका हुन् ।
चार सदस्यीय टोलीको नेतृत्व गर्दै आएका उनी भोलि फर्कने कार्यक्रम छ । त्यसअघि प्रधानमन्त्री पुष्पकमल दाहाल प्रचण्ड, परराष्ट्रमन्त्री एनपी साउदलगायतसँग भेटवार्ता गर्ने बताइएको छ ।
टोलीमा मन्त्रालयका निर्देशक अब्दुलाजिज मोहम्मद अल हमादी, सेकेण्ड सेक्रेटरी मोहम्मद युसुफ अल मल्की र फतिमा मोहम्मद अल बेकर छन् ।
टोलीलाई परराष्ट्र सचिव भरतराज पौडेल र नेपालका लागि कतारका राजदूत मिसाल मोहम्मद अल अन्सारीले त्रिभुवन अन्तर्राष्ट्रिय विमानस्थलमा स्वागत गर्नुभएको हो ।
ट्रेन्डिङ पोस्ट
टिप्पणीहरू