आगो ताप्ने क्रममा चार जनाको मृत्यु

बर्दियामा आगो ताप्ने क्रममा चार जनाको ज्यान गएको छ । गएराति गुलरिया नगरपालिका ४, तुलापुरमा आगो तापेका चार जनाको मृत्यु भएको हो । उक्त घटनामा एक जना घाइते भएका छन् ।  

भरत चन्दको घरमा आगो ताप्ने क्रममा भएको आगलागीमा परेर उनीहरुको ज्यान गएको प्रहरीले जनाएको छ । स्थानीय ३६ वर्षीया राधा बुढा, ९ वर्षकी मानसी बुढा, ७ वर्षका कृष चन्द र १८ महिनाका कार्तिक चन्दको आगोमा परेर मृत्यु भएको हो ।

घाइते २७ वर्षीया करिश्मा चन्दको बर्दिया जिल्ला अस्पताल गुलरियामा उपचार भइरहेको छ ।