उदयपुरमा पिकनिक जाँदै गरेकोे स्कुल बस दुर्घटना, तीनको मृत्यु

उदयपुरमा आज दिउँसो भएको बस दुर्घटनामा तीन जनाको ज्यान गएको छ  । त्रियुगा नगरपालिका ५, देउरीको अन्नपूर्ण बोर्डिङ स्कुलको बस दुर्घटनामा चालकसहित तीन जनाको मृत्यु भएको बताइएको छ ।

चालक ४० वर्षे भिखन चौधरी, ११ वर्षका विकास चौधरी र ७ वर्षकी सुमित्रा चौधरीको निधन भएको जिल्ला प्रहरी कार्यालय उदयपुरले जनाएको छ ।

दुर्घटनामा २८ जना घाइते भएका छन् । घाइतेहरुलाई थप उपचारका लागि विराटनगर लगिएको छ । धेरैको अवस्था चिन्ताजनक रहेको बताइन्छ ।

१–०५–००१ ख ००४४ नम्बरको बस सडकबाट ३० मीटर तल खसेको छ । स्कुल बसमा स्थानीय पिकनिक जाँदै थिए ।