मोटरसाइकल र बसको ठक्करमा १९ वर्षीय विवेकको निधन

गुल्मीमा मोटरसाइकल र बस एक–आपसमा ठोक्किँदा एक जनाको ज्यान गएको छ । रेसुङ्गा नगरपालिका–४, अर्खलेमा मोटरसाइकल र बस एक–आपसमा जुध्दा सोही नगरपालिका–७, सेउगा बस्ने मोटरसाइकल चालक १९ वर्षीय विवेक झाँक्रीको निधन भएको हो । 

आज बिहान लु।१ ख ९४७५ नम्बरको बस र लु। ८७ प ९८१ नम्बरको मोटरसाइकल एक–आपसमा ठक्कर खाई दुर्घटना हुँदा विवेक गम्भीर घाइते भएका थिए । तत्कालै उपचारार्थ जिल्ला अस्पताल तम्घास पुर्याइएकोमा उनको उपचारको क्रममा मृत्यु भएको बताइएको छ । 

प्रहरीले बस चालकलाई नियन्त्रणमा लिएर घटनाबारे आवश्यक अनुसन्धान गरिरहेको जनाएको छ ।